東方日報訪問本公司主席及副主席：難忘七三年最狂股市
2012-05-29
股市暢旺時的紙醉金迷，最令人記憶猶新。作為股壇「大姐大」的蔡太，最難忘的仍數七三年股場上的黃金歲月。
七一年成立證券行的蔡太憶述，七十年代前，只有一個「香港會」（香港證券交易所），買股票的都是外國人、有錢人，買賣語言及股票代號為英文，上市公司寥寥數十間。不過，六九年至七二年陸續有三間證券交易所（遠東、金銀、九龍）成立，股票普及至華人社會，到七三年更瘋狂至全民皆股。
「抽中新股就發達」
「喺七三年，連當時最有錢的地產商都想要經紀牌，撈埋證券呢行。那時瘋狂至識經紀就發達，唔識就唔會有人幫你買股票。」蔡太續指：「當時一抽中新股就發達，經紀就最好做，我試過行出街，就會被人捉住問『小姐、小姐，畀張（新股認購）表我呀』，當時呢張表都賣到錢！那時我收市後不敢由交易所正門出去，而要偷偷地由後門走，才可避開人群。仲有，當時中環中午難搵位食飯，但如果你是股票經紀，就預先留位給你。」
當時亦是蔡思聰初涉股場投資之時。他指，當年自己14、15歲，放學後有空，就落證券行幫手。「市旺好難請人，一來驚做錯，又要信得過，所以熟人最好，甚至忙到連自己的同學仔都會幫手。」他猶記得每日都要拎一大袋實物股票去換支票、入支票。「嗰時我成個中環去到熟晒，先去那裏後去那裏一早心中有圖，因有些櫃員像『驗屍官』，左驗右驗，對銀碼，對蓋印，睇咗5分鐘、10分鐘都唔畀支票，就會好慘，所以要最後先去。」
他說：「我記得成日去康樂大廈7樓，等升降機要等好耐，為了快些落樓，就由後樓梯跳落來，當年我可以一趟樓梯跳一步（每趟樓梯約10級），跳14次就可以落到地下。」他笑言那時輕盈得多，拎住一大袋股票跳樓梯都未試過弄傷。
資料從東方日報
